الدكتور أحمد عبد الباقي يكتب: ” حديث الخميس ” (٩٣) أحد صنوف البشر

✍️ #حديث_الخميس (٩٣) أحد صنوف البشر × #الإدارة👑

اعجبني جداً مقال قراته منذ ما يقرب من ثماني شهور عن: ♦️ #المدير_السخن ، رتمه سريع بدرجة مرعبة، بيعمل الف حاجة مع بعض، بسرعة وبدقة وتركيز، عنده حلول مرنة وسريعة (برّه الصنذوق) …. “منقول بتصريف”

🔰 #وصف_شخصية المدير السخن متفق جداً وقناعاتي.
– ماعندوش (لأ – أصل – بس – ما ينفعش)،
– واضح وقاطع وصريح.
– هينفعل من غير غلط وبعدها (٥ دقايق) يقولّك يلّا نتغدى.
– هيعلّمك ويكبّرك باسرع مما تتخيل.
– هيواجه بقوة ويستغنى بقلب.
– دايما هيطلب منك نفس الحاجة.
– هيحقق النتائج في كل مرة، بدون تهاون في عدل أو اخلاق او مبادئ او نزاهة، وهيتوقع منك دايماً نفس الشيء.
– هيحميك بشدة قدام الناس وبعدها هيحاسبك بلا هوادة بينك وبينه. (اسرة مع بعضينا)😂

🔰 🔑 #المفاتيح_معاه_كالتالي🔑:
– هتسأل على كل حاجة. ما تنكسفش. عشان تفهم وتتأكد.
– هتكتب كل حاجة. عشان الترتيب والفهم والتنظيم.
– سُرعة مش تَسرع. هتشتغل بسرعة بس قبل ما تنطلق هتاخد دقيقة تفكير وتخطيط.
– مراجعة قبل الاندفاع. قناعاته كلنا هنغلط، عادي، بس هنراجع ونصلّح.
– صراحة ووضوح: مش هتخبّي ، لو مش فاهم هتقول، لو ما تعرفش هتقول، لو مش هتقدر هتقول. احسن ما تلتزم بحاجة وما تعملهاش.
– مبادرة: هتاخد القرار وتتولى المسؤولية من اول لحظة. مش هتستنى كل يوم يقولّك تعمل ايه. هتطلّع قماش وترجع بنتايج مش تفاصيل اجرائية مستنزفة للطاقة.
– مش هتجادل ولا هتطلّع اعذار. هتتحمل المسؤولية وتعتذر وتكمّل. النوع ده مش بيقول الّا بمّا يكون متأكد.
– مش هتقف كتير عند الغلط (الكمال لله وحده) ولا تجلد نفسك. هو عارف ان الّي بيشتغل بيغلط. طبيعي. هتكمّل وتصبّح وتنجز.
– مش هتشيل. اي حاجة مضايقاك هتقولها. لانه عايزك رايق وفايق وبتشتغل بطاقة كاملة.
– الّي هتقوله هتعمله. وبسرعة وفي الوقت الّي التزمت بيه. لانه بطبيعته متعود يعمل الحاجة بنفسه وبسرعة.
– هتطّمّن لو زعل منك. هيراعي ربنا فيك لأنه معناها انه بيتوقع منك الاحسن. طول ما بياخد اخطاءك عادي يبقى مش شايفك على مستوى احترافي بجد.
– هتقرأ وتفهم كل حاجة بيبعتهالك او بتبقى copied عليها. مادام جاتلك يبقى اكيد ليك دور. الّي زيّه مش بيعمل اي حاجة من غير هدف.
– هتسأل على المنطق ورا كل حاجة في الشغل والقرارات والتعامل. عشان تتعلم وتكتسب الخبرات الحقيقية. كل يوم سؤال. كل يوم تتعلم حاجة جديدة، مهارة او معرفة او سلوك.
– هتردّ بسرعة على المكالمات والرسايل. لانه بيتوقع منك تبقى حاضر ومركّز. وعندك المعلومات في نماذج سهلة وبسيطة ومنظمة. لانه مش متوقع منك تحفظ، بس متوقع منك تكون قادر على الوصول للمعلومة بسرعة ودقة وسهولة.
– هتاكل وتشرب وتنام كويس، وتاخد إجازات بذمة، وتقضي وقت حقيقي مع احبابك. هو عايزك تعمل كده. لانه عايزك متوازن وطبيعي وفايق وكلّك طاقة ايجابية.

🔰 بس يا سيدي. النتيجة مضمونة. بأشكال كتيرة.
♦️ بيئة عمل محفزة ونقية خالية من السموم.
♦️ خبرة عملية واحترافية.
♦️ معرفة حقيقية.
♦️ اكتساب لمهارات وسلوكيات.
♦️ صقل القيادة والشخصية.
♦️ تحقيق انجازات تحسب لك على المستوى الفردي والمؤسسي.
♦️ سيرة ذاتية غنية في زمن قياسي.
♦️ عقلية ايجابية تفكر (بمنطق اعملها ازاي)، مش (بمنطق مستحيل اقدر اعملها).
♦️ قدرات متعاظمة على الانتاجية في زمن قياسي وبأعلى درجات الجودة. صورة مرتبطة إيجابية personal brand ، تفتح أبواب المستقبل.
♦️ الحصول على التقدير المستحق ماديا وأدبياً.
حاجات كتير. لو حبيت.

👌#ختاماً: اعتبر نفسي إنسان جايبها من تحت اوووي من (اولى اعدادي) لم يكن #الحظ يوماً جزءا من #حساباتي #للنجاح دوماً بفضل الله كنت وما زلت مؤمنا بأن #التوكل على #الله ثم #التخطيط و #التنفيذ و #التقييم و #المثابرة و #التطوير و #الافكار_الجديدة و #النجاحات البسيطة المستمرة هي التي تحقق #إنجازاتي باختصار نجاحي بعد توفيق وسداد #الله لي معتمد على نفسي على #ذخيرتي هي دعاء♥️ #امي♥️ بارك الله في عمرها والشيخ ♥️عبدالباقي رحمه الله♥️ واسكنه فسيح جناته جزاه الله عنا كل خير🤲

👌#تحيا_مصر_بجهد_وتطوع_ابنائها_المخلصين🇪🇬
✍️ د/ احمد عبده عبدالباقي علي
باحث تربوي / مدير المدرسة اليابانية
الخميس ١ يناير ٢٠٢٥م