السيسى: حادث المنيا الهدف منه إسقاط الدولة المصرية

وجه الرئيس عبد الفتاح السيسى، كلمة للشعب المصرى، بعد الحادث الإرهابى الذى وقع صباح اليوم، فى المنيا.

وقال الرئيس: “أرجو أن تتنبهوا لكل كلمة هاقولها، الهدف من اللى بيتعمل ده إسقاط الدولة المصرية، وهم بالاستراتيجية اللى شغالين بيها، عارفين أن تماسك المصريين لا بد من هدمه، شوفوا على المواقع داعش استراتيجيته لمواجهة مصر، شغالين على عمل فتنة بين المسلمين والمسيجين، ويقولوا إن الدولة المصرية مش قادرة على تأمينكم، ودى الرسالة اللى شغالين بيها، والنهاردة اللى اتعمل الهدف منها كده”.

وتابع: “من كام شهر، خمس شهور أو ستة، أنا قلت للأجهزة خلوا بالكم، مهمتهم فى سوريا خلصت، وقلت للأجهزة الأمنية خلوا بالكم، جزء منهم هايتحرك نحو مصر، من سوريا، ومن الجانب الغربى”.