خبر هام تنفرد : بنشر الجزء الأول مــن يوميات الفنان احمد عماد فى مستشفى 57357

قصتي بدأت مع التعب يوم 2015/11/2 لما روحنا لدكتور وطلب اشاعات وتحاليل مكنتش فاهم ولا عارف ايه اللي بيدور حواليا بس كنت شايف نظرات خوف وقلق من كل اللي حواليا في البيت وكنت بستغرب لما ببص في عيونهم واحاول افهم في ايه وفضلت كده يومين والقلق في البيت بيزيد ونتيجة التحاليل والاشاعه ظهرت والحزن زاد اكتر وبدأت قصتي مع 57357 يوم 2015/11/5 ومن عند بوابة المستشفي بدأت افهم أنا عندي ايه واول كلمة نطقتها (انا مكنتش بحب اشوف الاطفال دي في التلفزيون جاين تجيبوني هنا) كنت شايفه الدموع في عين بابا وماما بس محدش بيتكلم دخلت وعملت كشف من اول وجديد وتحاليل واشاعات وفضلت كده تقريبا لمدة اسبوع 10 ايام في الفترة دي انا عرفت وكلهم في البيت عرفو اني عندي كانسر بس ايه التفاصيل محدش عارف القلق هو هو وبيزيد كل يوم لحد ما نتيجة الاشاعات ظهرت واتحولت علي الدكتور الاستشاري د.عمر شوقي ومن هنا عرفت حالتي بالتفاصيل وكان التشخيص كانسر بالعضم بس كان في كام نقطه اولا الورم عمل تآكل في العضم بتاع الايد وثانيا حجم الورم كبير وثالثا الورم كان لافف علي الاورده والشرايين بتاعت ايدي وعلي الاساس ده الدكتور حدد رحلة العلاج واللي هي كانت سنه وقسمها 3شهور كيماوي وبعدين يعملولي استئصال للورم وبعد كده اشعاع دكتور عمر شخصية محترمه جدااااا وادانا امل كبير وبدأت رحلتي مع العلاج الكيماوي يوم 18 من نفس الشهر مكنتش حابب المكان وكنت خايف ومكنتش بحب اتكلم مع حد بس مع الوقت وفي الفترة اللي انا كنت بكون فيها في الدكير بدأ التمريض يتكلم معايا ويهزرو معايا ويضحكو وبدأ في ناس كتير تطلعي وبعد كده عرفت انهم متطوعين بدأ يجو يعدو معايا كتير ويلعبو معايا ونهزر ونرسم ودي كانت بدايتي مع الرسم لما جابولي الوان وكراسة رسم وقالولي تعالي نرسم وبدأت ارسم ورسمي عجبهم وبدأو يشجعوني بدأت احب المكان لما اتصاحبت علي الناس دي المستشفي بجد كانت موفرالي كل حاجه انا محتاجه شوفت ………………… استنونى فى الجزء التانى هحكيلكم عن يومياتى فى مستشفى 57357