دكتورة رباح حسن تكتب : كده بالبلدي… ياابن بلدي

كده بالبلدي… ياابن بلدي:
::::::::::::::::::::::::::::::::
.. كلام كده ع المداري..دا انا الراااوي…. ولا حد فاهم ولا حد داري..
بهدوء ومن غير كلام.. اصل واقف هنا خاين وهناك جباااااان.. ايده مرعوشه.. وبيجيله نسيان. سايب الدم ع الببان.. والقاتل شبعان ودفيان..
المشكله في وشوشهم غير اللي شايلاه قلوبهم كلاااام.متزوء.. وكدب يروء..
اسمع مني… ولا انا مستشارك. ولا حامله اسرارك.
انا الراوي.. وربك بعته وجالك.
انت حزين مسكين.. شايل حمل سنين.
وامر ربك انه يزود حملك.. مش غضب عليك. لأ
دا لطهارة اديك.. ولتربية والديك..
اراد انه يعزك ويقوي عزمتك.. لكن اسمع لما اقولك. **** في رقبتك شعبك.. تشيل حكومتك.. تجيب حكومتك.. شيلتك في رقبتك.
اوعي يهمك غير رضا ربك..
ناسك شئيانه وتعبانه.. ومن الغلا والكوي طفحانه. ودي اماااانه..
سيبك من اللي حواليك.. وانزل شوف بعنيك.
دا انت من حته شعبيه.. وعارف الأصول وحرمة البيوت… ومافي بيت النهارده مش مديون.
والتعب بيهون.. لكن الدين وراها سجون.
بيوت في سيول خربانه.. وعيال في بحور غرقانه.
ويجوا من سينا علي نقاله.
وام شهيد مابئتش معانا.
واصبروا ياناس علي دي الحاله.
والعيبه طايلانه..
وقنوات فضحانه.
اشي لحمه فسدانه.. وخضار هرمنته مطفحانه.
والعلاج ساب الأجزخانه.. ومواصلات مبهدلانه.
والكهربا والميه والغاز مقطعانه..
والزباله تحت البيوت ارفانه.
واجي ادفع الايجار يقولي فين الزياده.
تعبت وقولت اعين الواد.. قالوا اتقفل الباب.
هو امتي اتفتح.. ومين اللي جري قفل.
والله معاه شهاده اداب.. شغال بيها زبال.
قولي ياغالي يابن الغاليين… اوكل عيالي منين؟؟ ومصاريف مدارسهم لأ ومواصلاتهم من فين.؟؟
نصيحه يابني ياعين ونيني.. واكيد انت فاهمني. غير ناسك.. وارفع راسك.. انت بانيت اساسك.
وواقف صقر.. ماتنشغلش في اللي ورا الجبل. وتسيب النار تشعل في الحطب..
هات المخلصين اللي زيك فاهمين. مش ع الكراسي خايفين…. وسايبين الغلابه جعانين.
ولا شباب متعينين.. ولا بنات متجوزين.. هايجيبوا منين.. ياعيني ع لي اتنين.. وحتي المجلس طلع نصهم متنيلين.. والحلو فيهم يتعدوا علي ايد واحده مش اديين
****
هات لينا بس اتنين.. لو زيك عندهم دين.. هنقوووول ااااااااامين.
وقولهم.
قولهم
قلوهم… الشعب ده مين..
دا في رقبتك يابن بلدي ليووووووم ااااالدين.