ع القهوه…….. بقلم محمود رمضان حافظ

قعدت ع القهوه……… وناديت على صاحبها

ايه يابنى ايه مالك………..القهوه ما تجيبها

كلمنى عن حالك ………… اوصفلى أحوالك

والشغل وعيالك…………ايه الدنيا عملالك

و العيشه و يا العيش

قالى الدنيا قرفانى. …..ودماغي وجعانى

ومراتى عايز انى ……..أأكلها غير العيش

ملعونه دى العيشه……..والقهوه والشيشه

ضيعت تحويشه……على أكله غيرها مفيش

ياباشا دانا غلبان………. والغلا بقى جنان

والسكر مش موجود….اسأل محمود رمضان

قلتله الغلا عارفينه……….ملعونه دى سنينه. .

الجن عايزينه…………..او حتى خاتم سليمان

قوم يابنى هات قهوه ……او حتى ما تجيبها

صدعت انا دماغكم………فى حكايه عيشينها